.

بسم الله الرحمن الرحيم

الجهاز مواصفاته كالتالي : ( للمواصفات التقنيه والتفصيليه إضغط على أسم القطعه وراح تنتقل لموقعها )

المذربورد :

ASUS P5Q-E P45
بأحدث شرائح أنتل P45 اللي تدعم المقبس LGA775 من شركه أسوس .. بسرعه ناقل أمامي توصل إلى 1600MHz ودعم لرامات DDR2 بسرعه 1200MHz .

المعالج + المشتت :

Intel Core 2 Quad 9550 2.83GHz + ZALMAN CNPS9700 LED
المعالج رباعي النواه من انتل بتقنيه تصنيع 45 نانو وبسرعه 2.83 قيقا وكاش 12 ميقا + مشتت أحترافي من زالمان مصنوع من النحاس بالكامل مع مروحه مدمجه ومعها كنترولر للتحكم بسرعه الدوران .

الرام :

4GB OCZ Platinum DDR2-8500 2X2GB
بسرعه 1066MHz وتواقيت 5-5-5-18 مع مشتت حراري .

كرت الشاشة :

EVGA GTX260 SuperClocked
الأخ الصغير لأحدث كرت شاشة من GeForce بذاكره 896 ميقا بايت ومنفذين DVI-I, DVI-I وواحد HDTV .

الهاردسك :

WD 500GB/32MB/7200RPM+ WD 320GB/8MB/7200RPM
هاردسكين ويسترن ديجيتال واحد 500 قيقا والكاش 16 ميقا والثاني 320 قيقا والكاش 8 ميقا .. عاد هذا ما فيه مواصفات غير كذا تنقال

ناسخ ديفيدي :

LG SuperMulti DVD Burner 20X Sata
أيه طيب .. تراه ساتا وينسخ بسرعه 20X للـ DVD-R اظن << واحد ما لقى له مواصفات تنكتب

الكيس :

Thermaltake Armor+ MX
Mid-Tower ومزود ب3 مراوح وحده جانبيه 230 مم LED + مروحتين 120 مم مع إضائه LED للأماميه .. بالإضافه إنه قابل للفك والتركيب بدون مسامير لأغلب القطع + كيس الهاردسكات المنفصل .

مزود الطاقه ( بورسبلاي ) :

Thermaltake Toughpower 750W
مثل ما هو مكتوب 750 واط من ثيرمالتك .. أيضا Modular والأسلاك منفصله .. وهذي ميزه تساعد على ترتيب الأسلاك وتنظيمها داخل الكيس .

الماوس:

Logitech G5
أيه ماوس  بس مخصصه للألعاب وبدقه أعلى توصل لـ 2000 dpi .

الشاشة :

Samsung SyncMaster 226BW Black 22"
سامسونج 22 بوصه عريضه بسرعه استجابه 2 ميللي ثانيه .. من أفضل الشاشات بالنسبه للكمبيوتر المخصص للألعاب .

النظام :
Windows Vista Ultimate SP1 x32

نسخه فيستا التميت عربيه محدثه ..قريب إن شاء الله بيصير معها أوبنتو ويمكن اكس بي 64 بت .

-----------

الحين مع بعض الصور للتركيب وبعض الحوسه ( قبل & بعد تركيب المشتت والرامات البديله ) .
للأسف كان ودي أصور عمليه التركيب بشئ من التفصيل لأكثر قدر ممكن من الأستفاده للي ودهم يجربون يركبون أجهزتهم .. بس العائله الكريمه  شاركتني وكانت حولي وقت التركيب عشان كذا ما فضيت اصور  والصور الجايه اغلبها يوم افكه مره ثانيه لتركيب المشتت والرامات .

* القطع يوم توصل قبل التركيب

                                                                                 

* بعد التركيب الأول ( مشتت أنتل العادي + قطعه رام وحده )

* فك الكيس حق الهاردسكات ( مجرد تضغطه لتحت وتسحبه ) لأن كرت الشاشة طوييل مره فما تقدر تركبه حتى تفك كيس الهاردسكات .. وتلاحظون صغر المسافه بينهم .

                                                                          * كرت الشاشه .

* فك المذربورد وهنا الكيس فاضي الا من مزود الطاقه والديفيدي .

 فك المعالج + تنظيف المعجون القديم إما بمحلول خاص أو بمسحه طبيه ( كحول الأيزوبروبيل ) .. تنظفه زين لين تشوف خشتك فيه  بس لا تضغط عليه ولا تلمس المقابس اللي تحت عشان ما تعدمه .

* مشتت زالمان مع مشتت انتل البايخ .. نشوف الفرق بالحجم والمروحه ونوع المواد .. وهذا اللي يخلي الفرق بدرجه الحراره كبيير بينهم .

* الرامات الصحيحه ( قطعتين من اللي فوق ) واللي غلطوا فيها اللي تحت .

 

 

 

 

 

* المذربورد بعد تركيب المشتت والرامات والكنترولر حق المروحه .. طبعا بهذلني المشتت لأنه يبي أكثر من يدين ثنتين  لأن له قاعده من تحت ووحده فوق تركب عليها ولازم توزنها مضبووط .. وما ننسى شرائح النحاس الحاااده  اللي ما قصرت لعبت بأصابعي وجرحتها مع أني لابس قفازات عشان ما تلعب الكهرباء الساكنه بعيالنا 

* بعد تركيب المذربورد وكرت الشاشه وأرجاع كل شئ لمكانه

 

* توصيل أسلاك الطاقه والهاردسكات والمراوح ونحاول نصفها ورا عشان يطلع الكيس مرتب قد ما نقدر .

 

 

* هنا شلت الشرائح المعدنيه عشان يدخل هواء بشكل احسن للكيس وبرضه عشان اركب الكنترولر بمكان اقدر اوصله لو بغير سرعه المروحه يدويا

* صورتين للجهاز بعد ما خلصنا كل شئ .